ماجدة نور الدين تودع نجلها أحمد سامي العدل بكلمات مؤثرة

ودعت الكاتبة الصحفية ماجدة نور الدين، نجلها أحمد سامي العدل، وذلك من خلال حسابها على موقع التواصل الاجتماعي فيسبوك.

وكتبت ماجدة قائلة: "مع السلامة يا حبيب قلب أمك، مع السلامة يا ضنايا، مع السلامة يا أحمد، مع السلامة يا ابني يا قلبي يا عمري، وآه على الوجع يا حبيبي، يا ابني، يا ابن عمري يا أحمد، مع السلامة".

وكشفت شقيقة أحمد سامي العدل عن اللحظات الأخيرة في حياته قائلة: "في عز محاولاتي نقله لمستشفى تانية فقد نبض قلبه لثواني قدامي، اتخضيت الدكاترة طمنوني وقالوا مفيش حاجة أهو زي الفل، بس قلبي وجعني ولقيتني بقول له عايزاك تسبح وتقول الشهادة معايا وتفضل تقول كل القرآن اللي أنت حافظه.

وتابعت: يا دوبك لفيت ظهري ولسة هخرج اشوف موضوع الإسعاف ونقله، لقيت دكاترة وممرضين في كل حتة حوالين أحمد بيحاولوا ينعشوه 38 دقيقة على الساعة محاولات وأنا واقفه قدامه قلبي بيتقطع وروحي أنا بتطلع مني ماسكة في خيط أمل من الدخان اتقطع بـ آخر نفس منه وراح أحمد، أخويا الصغير الطيب الحنين الهادي".